بەپێی ڕاگەیاندنی پەیوەندییە گشتییەکانی زانکۆی کوردستان، لە دەسکەوتێکی زانستیی دیاردا، خوێندکارانی زانکۆی کوردستان جارێکی دیکە لەسەر سەکۆی شانازیی نیشتمانی وەستان. خاتوو کەوسەر ئەحمەدزادە بە بەدەستهێنانی پلەی یەکەم و میدالیای زێڕ، و خاتوو مەهنا دووشابی بە بەدەستهێنانی پلەی سێیەم، لە سییەمین ئۆڵۆمپیادی زانستیی خوێندکارانی وڵات لە بواری جوگرافیادا شانازییان تۆمار کرد.

بەدەستهێنانی پلەی یەکەم و میدالیای زێڕ بۆ دووەم ساڵی لەسەریەک لەلایەن خوێندکارانی بەشی کەشناسیی کۆلێژی سەرچاوە سروشتییەکانەوە، نیشانەی ئاستی بەرزی زانستی، هەوڵی بەردەوامی خوێندکاران و پابەندبوونی ئەندامانی دەستەی زانستیی ئەم بەشەیە.

زانکۆی کوردستان بەبۆنەی ئەم سەرکەوتنەوە پیرۆزبایی گەرمی خۆی ئاراستەی ئەم خوێندکارە بەڕێزانە، خانەوادە بەڕێزەکانیان، مامۆستایان و کارمەندانی بەشی جوگرافیا و کۆلێژی سەرچاوە سروشتییەکان دەکات و هیوای سەرکەوتنی بەردەوامیان لە هەموو قۆناغەکانی ژیان و خوێندندا بۆ دەخوازێت. هیوادارین ئەم ڕەوتە شانازی-خوڵقێنە ببێتە نەریتێکی بەردەوام لەنێو خوێندکارە تێکۆشەرەکانی زانکۆدا.