بسم الله الرحمن الرحیم

«خوێندکار بانگدەری کۆمەڵگەیە؛ ئەگەر لە خەودا بمێنێتەوە، نوێژی ئوممەت قەزا دەبێت.»
(شەهید بەهەشتی «رە»)

١٦ی سەرماوەز؛ بیرهێنانەوەی پەیام، نوێکردنەوەی پەیمان لەگەڵ داهاتوودا
خوێندکارانی پڕجۆش، زیرەک و داهاتووسازی زانکۆی کوردستان،
بەبۆنەی هاتنی شانزەی سەرماوەز، ڕۆژی خوێندکار، پیرۆزبایی گەرمی خۆم ئاراستەی ئێوەی بیرڕوون و وریا لە گۆڕەپانی زانست و ئەندێشەدا دەکەم.
ئەم ڕۆژە، تەنها بۆنەیەکی مێژوویی نییە، بەڵکو دەرخەری فەرهەنگێک و پەیامێکی هەمیشەییە؛ فەرهەنگێک کە تێیدا، بەرەنگاربوونەوەی ستەمکاریی جیهانی، داواکاری بۆ سەربەخۆیی و ئازادی، و پابەندبوون بە خاک و نیشتمان لە کەسایەتیی خوێندکاردا مانا پەیدا دەکات. خوێنی پاکی سێ شەهیدی پایەبەرز، شەهیدان قەندی، شەریعەت‌ڕەزەوی و بوزورگ‌نیا، نەک تەنها ڕووداوێکە لە مێژووی هاوچەرخی ئێراندا، بەڵکو چرایەکی ڕێنوێنە بۆ نەوەکانی داهاتوو تا هەمیشە لە بەرامبەر ستەم و زۆرداریدا بوەستنەوە و بۆ بەدیهێنانی ئامانجە بەرزەکانی ئەم خاکە هەوڵ بدەن.

خوێندکارانی ئازیز؛
ئەمڕۆ، پەیامی ئێوە لە ڕابردوو فراوانترە. ئێوە لە هێڵی پێشەوەی «جیهادی ڕوونکردنەوە» و لە گۆڕەپانە بەرینەکانی بەرهەمهێنانی زانست و تەکنەلۆژیادا ڕۆڵ دەگێڕن. بڕیارە ئێوە بە پشتیوانیی بیرکردنەوەی قووڵ و بە کەڵکوەرگرتن لە زانستی ڕۆژ، ئاستەنگەکانی بەردەم سیستەمی ئیسلامی بناسنەوە و بۆ چارەسەرکردنیان هەنگاو بنێن. زانکۆی کوردستان وەک یەکێک لە ناوەندە زانستییە گرنگەکانی ڕۆژئاوای وڵات، ئەم چاوەڕوانییەی لە ئێوە هەیە کە بە یەکێتی و هاودڵی، سنوورەکانی زانست ببەزێنن و نموونەیەکی شایستە لە «خوێندکاری بەرپرسیار» پێشکەش بە کۆمەڵگە بکەن.
نووسینگەی نوێنەرایەتیی ڕێبەری باڵا لە زانکۆدا، هەمیشە خۆی لە پاڵ ئێوە گەنجە باوەڕدار و شۆڕشگێڕەکاندا دەبینێتەوە و پشتیوانی لە هەر جووڵەیەکی شوناس‌بەخش، گۆڕانکار و لە پێناو پێشکەوتنی وڵاتدا دەکات.
لە کۆتاییدا، لە بەردەرگای خوای گەورە، ئاواتی تەندروستی، سەرکەوتن و سەربەرزی بۆ هەمووتان دەخوازم.

بە ڕێزەوە
عابدین ڕۆستەمی
بەرپرسی نووسینگەی نوێنەرایەتیی ڕێبەری باڵا لە زانکۆی کوردستان